حرمت احلم

حرمت احلم

حرمت فيك
يا وطن
احلم
كل اللى
حلموا معايا
فين رايحين
يا طلقة
ورصاصة
يا جبين
كانت عالية
ارهابى
عالشاشة
اشرف رجالك
يا وطن
فى السجن
منداسة
اشرف بناتك
يا وطن
مسحولة
فى الميادين
وادى الشباب
الابهة
بعد ما
صلى الفجر
واقف
بيدعى ربنا
خرج اللى
شرفا
يا وطن
وسبوا
لة
مليون دين
منصور عبد المقصود

صرخة حر

صرخة حر
******
لا تتركيهم
يقتلون الحلم
قى قلب الصبى
لا تتركيهم
يقطفون الزهر
من اجل البغى
لا تتركيهم يطفئون
النور من
عين الصغار
واقتليهم
دونما ادنى اعتبار
ان انياب
الخيانة قد بغت
فأستودعى
ظلمة لياليكى
ثم عودى
حينما يأتى النهار
عودى بأبتسامات
على وجة الصغار
واذكرينى
واذكرى قطرات دم
نزفتها فوق الجبين
واستحضرينى
كلما تشائين
انا ان قتلت
فلسوف احيا
كل حين
فى دموع الخائفين

سبع وكلب وضباع

السبع  سبع  وان  مات
ما غادرت صفة السباع
والكلب كلب وان عوى
ما  أذداد  يوما  ارتفاع
كن  كالأسود  فراسة
واحزر مرافقة الضباع
منصور عبد المقصود

بورسعيد

يا بورسعيد يا حنينة
يا اغلى من ضى العيون
ازاى اعيش فيكى انا
وازاى يجينى قلب اخون
يا بورسعيد يا حنينة
**********
يا بورسعيد يا حنينة
يا صابرة على كل المظالم
ملعون ابو اللى ينام سعيد
ولشعبك انت جارح وظالم
صينانا على مر السنين
واحنا اللى بنعد المغانم
يا بورسعيد يا حنينة
********
يا بو سعيد يا حنينة
مليون سلام يا أم القنال
يا أم الرجال مفيهمش ظالم
كل اللى زارك عاد وقال
دى بورسعيد ارض المكارم
يا بورسعيد يا حنينة
منصور عبد المقصود

ام الشهيد

يا أم الشهيد
اللى انقتل
لجل انى أعيش
مليون سلام
يا أم البطل
ولا تندميش
على دم سال
فوق جبين
النيل
يا مصرية
يكتب على
وش القمر
عاشقك يا
 حرية
يا أم الدموع
اطهر من المية
هى الجنان
مخلوقة
للدراويش
الولد مات 

لما اختشى
ويا حى لية
مبتختشيش

منصور عبد المقصود