بحث هذه المدونة الإلكترونية
إرجموها
.....................
أقتلوها وأرجموها
اللى زنت
بس قبل ما تقتلوها
أطعموها
يللى قافلين البيبان
فى وش الخلايق
يللى عايشين الحياة
والقلب رايق
روحوا
وأتحروا الحقايق
ليه زنت ؟
يمكن جعانه
يمكن حداها طفل
بيصارع يموت
أسألوها
ولما تتحروا
الجواب
أعدموا كل العرب
اللى شبعوا
وأهلهم
ماتوا جياع
اللى خلوا
اللقمه منحه
من يدالضباع
إعدموهم
ألف مرة
وإقفلوا
فى وشهم
كل أسواق النخاسة
اللى شايف
نفسه طاهر
وأصله منقوع
فى النجاسه
اللى قال
للبنت عيب
لبسك خفيف
واللى واقف
ع الرصيف
للى رايحة
وللى جايه
عامل لطيف
يا مشمر الكم
الظريف
ولابسلى فى
أيديك الغويشة
لابس فى
صدرك سلسله
واللى ناقصك بس
بيشه
وديل حصان
لجل ما تكمل
رجولتك
احمى جارتك
زى امك
تلقى شهم
بيحمى اختك
تلقى دنيا بطعم جنة
حالفه ان انت راجلها
المشكله انك حقيقى مصدقه
ان اللى بينا شئ كبير
كل اللى بينا كان حكاوى وقلتها
لغيرك كتير
لا تلبسى توب الوجع
فاكرة اما رحنا المنتجع
وبنينا بيت كان من تراب
يللى انت عاشقة البحر
ليه انا شايفك سراب
معجون انا بماء الحنين
يا كاتمه فى الصدر الانين
يا شايله انات السنين
كان قبلى مين
جاى بعدى مين
يا طريق ومفروش بالورود
للعاشقين
يا بايعة للى بيشترى
والشارى مين
شهدك دة موصوفلى انا
ولا دا حق المغرمين
منصور عبد المقصود
يللى عاوزانى اسامحك
*******************
يللى عاوزانى اسامحك
عمرى والله يوم ماسمحك
يللى سقيتنى ملامحك
كنت سيفك وكنت رمحك
كنت شهدك كنت ملحك
كنت غنوة فى انتصارك
كنت بسمه فى عز جرحك
كنت صوت الحق دايما
وكنت ازعل يوم ما اعاتبك
فاكره لما كنت ابعد
وارجع ادارى فى حضنك
كنت ليكى كل حاجة
وكنت اقول على نفسى ابنك
زى ابويا ما يوم رسملى
فوق قماشة لقيتها بيضاء
نقطة حمرا ونقطة سودا
يومها ببكى ع القماشة
قاللى شيلها جوه قلبك
قلت يابا مابقالها عازة
قالى احميها بدمك
القماشة م الليلادى بقت علم
وانت فارسها الهمام
اوعى يا ياض يخدوها منك
اوعى ياض لأبن الحرام
القاه فى ليله بيحصد قمحك
اوعى عنها فى يوم تنام
اوعى تنسى تسن رمحك
اللئيم عايش معانا
متفكروش من برة جاى
اللئيم صاحبى وصاحبك
اللئيم منى ومنك
اللئيم فى كل قاعدة هتلاقيه
اللئيم عاقل قوى
اوعى تفتكرة سفية
اللئيم عنا بيعرف كل حاجة
واحنا ما بنعرف يا ولدى شئ عليه
حط ارضك جوه عينك
صونها زى ما صونت دينك
الوطن ياض لو نسينا
احنا بندور عليه
الوطن لو يوم قسينا
ننسى ولا نقسى عليه
منصور عبد المقصود
من ديوان يا طيبه
بصرخ وقلبى بيتوجع م الهم
صبح الوطن مدهون بلون الدم
سافر يحيب اللقمه من برة
قاعدين نلم الوجع والوجع ما اتلم
يا اهه فى قلب الوجع بألمحها وتلمحنى
عايش بغنى وضهرى م الشقا محنى
عمرى اللى راح يا صاحبى معشتهوش
نفسى الجاى من عمرى مرة يريحنى
الشمس تشهد على حبك
والدنيا ولا تسوى ف بعدك
والعمر لو كان يوم لحظه
اتمنى لو اعيشها بقربك
زرعت لك وردى جناين
وسقيته من دمع عنيه
وعزفت لك لحنى غناوى
ولقيتك اجمل اغنية
جنى
...........
جنى لية كل مرة
بيعلا ما بنا الجدار
لية كل لحظة
بيتمنع عنا الحوار
عاشق انا لو تفهمى
عاشق وساكنه قلبى نار
معقول جنى
جايبالى عيل يخطبك
وجايبلى مهر وشبكتك
قال بدة يقرا فاتحتك
معارفاش تدارى ضحكتك
يا قسوتك
وانا اللى عايش العمر كلة
فى انتظارك تكبرى
عاجبك يا غالية منظرى
لو كنت بس تفكرى
لو كنتى حتى تطلبى
رضاكى عنى مطلبى
امرك يا نور عينى افرحى
عيل هياخد مطرحى
#منصورعبدالمقصود
عليا بتبكى السنين والليالى
بنادى وبحلم الاقيك قبالى
يا فجرى اللى طالع ينور شوارع
مشينا عليها يا قلبى الخطاوى
بعيش عمرى واحلم ينجينى بحرك
وبحرك حبيبى معاند شطوطى
بغزلك بأيدى بأجمل خيوطى
تيجان المحبة وبأهديك امانى
الفارس الوحيد
..........
أخي
هَلُمْ اليَّ
حِماكَ اُريدْ
فَقدْ صِرنا نحيا
زمان العبيد
تعالى اُخيَّ
فيك أحتمى
ياأقرب اليَّ
من حبل الوريد
فما دمت فارس
سيُقْضىَ عليك
ويسبق إسمُك
لفظ الشهيد
إحمينى بصدرك
يا حُب قلبى
فعوزى إليك
أصبح شديد
فداك عيونى
وقلبى وعمرى
فليس بوطنى
رجل رشيد
على رأسى ضع
يا اخى ساعديك
ارى رصاصات
اتت من بعيد
احتوينى كما كنت
تحتوينى دوما
وهب لى حبيى
عمرا جديد
لأحكى لكل
المنحنين ظهرا
بأنك كنت
الفارس الوحيد
منصور عبد المقصود
طول عمرى حلمى بأدب عايش على السيرة
لا اقبل خصام ولا عتب للصحبه والجيرة
حتى فى ساعات الغضب الحلم موصوف لى
عمرك قليل الادب موقعتنى فى حيرة
منصور عبد المقصود
يا سكة المواويل الناى بيعزف هم
فرحانه كل الخلايق والقلب يقطر غم
نصيبى يوم الفرح ملاقيتش خال ولا عم
مهموم بكل الناس ولا حد بى اهتم
امانه يادى الناى.... غير انين موالك
ضحك علينا الناى .... مرك حفظته صم
منصور عبد المقصود
حنين
---------
ولسانى بحن اليك
واحن كمان لجدرانك
هنا صليت هنا غنيت
غناوى كتير على بابك
هنا عنباية مزروعة
ماليها الشوك بتجرحنى
هنا ارضى اللى بازرعها
وهنا جارتى بتلمحنى
وهنا بسمه بتتدارى
بشوفها والجبين محنى
وانا بأزرع ورود الشوق
وباهديها لأحبابى
هنا واقف على بابى
وبأتكلم مع صاحبى
تعدى الحلوة يضفاير
اغمض عينى وادارى
ورا خجلى
واقول بكرة هكلمها
اكيد لازم افهمها
انا المدبوح قصاد عينها
وعينها اللى دبحانى
انا اللى كتير بأغنيلها
ولا مرة بتسمعنى
وهنا جارة تغازلنى
تقولى عنيك تلاحقنى
وانا راحة وانا جاية
وانا مكسوف ارد بأيه
دانا عمرى ما اكون ليكى
لأنى عشقتها هى
دى اجمل من بنات الحور
فى عز الليل
يبات قلبى يناديها
يبات فكرى يناجيها
تبات عينى بتتلمس خطاويها
واقول بكرة تكون ليا واكون ليها
وبكره الجاى مبيجيشى
ولو مره
نشف ريقى يا بنت الناس
وانا الحارس على المية
منصور عبد المقصود
صرخة اولاد الشوارع
........................
طب جربى تكونى وطن
وإدينى صدرك
لو حتى مرة انام عليه
أنا نفسى أحس
إنى إليكى بأنتمى
محتاج لحُضنك
نفسى مرة أترمى
الاقينى /
بأتلف فى علم
والاقينى /
فى عز الالم
إنسان ومن ضمن البشر
لو كان بأيدى/
كنت اشتريلى
ألف حضن يضمنى
كنت اشتريلى تخته /
جوة المدرسة
كنت اشتريلى /
ألف حوش
بس إبعدى عنى/
الوحوش
وأوعدينى /
بالأمانى الطيبه
سيبانى صحرا /
ودافنه جوايا الصبا
سيبانى شجرة يابسه /
إخضّرْ لونى /
وأتحرمت من الثمار
عاملانى ريشة /
فى الهوا متغمى /
ومش شايف القرار
عاملانى نار /
تاكل خضار كل البشر
عملانى شمعة /
نورها دايما منطفى
طب جربينى وأفهمى
إبنك معمروش كان غبى
إبنك أصيل من نبت نيل
عمرة ما يعرف مستحيل
إدينى فاس /
وإدينى كام ورقه وقلم
خلينى أزرع كل بور
وأرفع فى صحاريكى العلم
بس إثبتى /
إنى اليكى بأنتمى
وإنك أمان /
لىَّ يا بلدى فى دنيتى
ولحد ما الليل الحزين/
يطرح نهار
عمرى ما هقبل فى اللى عدى /
إعتزار
بس اللى لازم تعرفية
واللى أنتِ /
معلمانى بيه
إنى بأعيش من غير وطن
بأحلم بحضنك والسكن
بأحلم يخاصمنى الشحن
بأحلم اكون انسان جديد
مفروش لى ورد ف سكتى
بأتمنى اصالح دنيتى
قبل الاوان
محتاج اكون فارس
ولا يسعنى الميدان
محتاج صراحه فى بسمتك
محتاج ادوق حنيتك
زى الغريب
لما حبيبتى بتفتحى ليه الديار
وتقدمى له الاوسمه
محبط انا
وحزنى بيكفى البشر
يللى انت حاجبة الصوت
على مر الزمان
الفجر لسه بننتظر
صوت الادان
( منصور عبد المقصود)
