وطنى

يللى عاوزانى اسامحك
عمرى والله يوم ماسمحك
يللى سقيتنى ملامحك
كنت سيفك وكنت رمحك
كنت شهدك كنت ملحك
كنت غنوة فى انتصارك
كنت بسمه فى عز جرحك
كنت صوت الحق دايما
وكنت ازعل يوم ما اعاتبك
فاكره لما كنت ابعد
وارجع ادارى فى حضنك
كنت ليكى كل حاجة
وكنت اقول على نفسى ابنك
زى ابويا ما يوم رسملى
فوق قماشة لقيتها بيضاء
نقطة حمرا ونقطة سودا
يومها ببكى ع القماشة
قاللى شيلها جوه قلبك
قلت يابا مابقالها عازة
قالى احميها بدمك
القماشة م الليلادى بقت علم
وانت فارسها الهمام
اوعى يا ياض يخدوها منك
اوعى ياض لأبن الحرام
القاه فى ليله بيحصد قمحك
اوعى عنها فى يوم تنام
اوعى تنسى تسن رمحك
اللئيم عايش معانا
متفكروش من برة جاى
اللئيم صاحبى وصاحبك
اللئيم منى ومنك
اللئيم فى كل قاعدة هتلاقيه
اللئيم عاقل قوى
اوعى تفتكرة سفية
اللئيم عنا بيعرف كل حاجة
واحنا ما بنعرف يا ولدى شئ علية
حط ارضك جوه عينك
صونها زى ما صونت دينك
الوطن ياض لو نسينا
احنا بندور عليه
الوطن لو يوم قسينا
ننسى ولا نقسى عليه

الشهيد الباكى

انا اللى مت يا ناس 
ويا مين يصحينى 
شاهد على الاحداث
ومقتول قصاد عينى
لا عمرى مسكت سيف 
ولا حتى سكينة
مقتول عشان الحق
يا امة مسكينة
صرخت بأعلى صوت
قالوا عنى بيدافع
عن اللى خانوا الوطن
وهو الوطن موجود ؟؟؟
دى ناس بتاكل عسل 
وناس واكلها الدود
قالوا الولد لو صبر
و الصبر ماله حدود
هايم فى حبك انا 
وبعشق ترابك ليه
قلبك دة والا حجر
زعل الحجر كدة لية
ايمانى بيكى هجر
ياللى انت نساية

يا طيبة

يا طيبة
طيبتك بتخلق
فى الولد
شئ منكسر
مظلوم
ونفسة ينتصر
مكتوب
ولازم ينتظر
حكم القوى ـ
والفهلوى
عايش على
دم الغلابة
المكسورين
ـ ما بيرتوى
الا على دم اللى
عايشين مقهورين
با كل دم
بيتحرق
يا كل حلم
بيتسرق
ياليل مغطى
على النهار
يا كل لحظة
انكسار
يا كل دار
معرفش فرح .. يزينة
امتى النهار
راح يتولد
العتمة غالبة
كل نور
كل اللى
سارقين الولد
ساكنين قصور
والمطحونين
سكنوا القبور
يا ظلم امتى
راح تغور
المر مرر حلقنا
ولا عمر حضن يضمنا
ولا حتى حضن الامهات
الكل مات
مع انة
مكتوب انة حى
يا شعب
ما لاقيت لوهش .. زيى
افهم بقى
القسوة جاية.. متزوقة
الطفل ... شب
والشب .... شاب
حاضر انا
ومكتوب غياب
ملقتش حد يبصلى

يا مه

انا رايح لمدرستى
طريقى صعب عدينى
خدينى يامة من يدى
وعلى مدرستى ودينى
يا امى الغالية سامحينى
سهرت الليل وانا بزاكر
وعيونك جنبى سهرانة
وسامع النبض فى عروقك
وعارفك يامة قلقانة
تقولى نام يانور عينى
دة سهرك والله على عينى
حبيبة قلبى انا عارف
انا اللى بيسعدك فرحى
وتزعلك دموع عينى
حالف يامة لكون حاجة
لكن عمرى مايوم حسيت
بأنك يامة محتاجة
بشوفك اغنى كل الناس
يا نبع الحب والاحساس
دموعك يامة على عينى
خايف يامة يجيلك ناعى ينعينى
وعمر الدنيا ما كانت فى يوم حلوة
وبقول يا رب احيينى
عشان الغالية ماتبكى
دة دمعك يامة على عينى
فاححينى عشان
خاطر حبيبة القلب
الهى يا رب بأدعيها
ماعمرك يوم تبكيها
على غالى..واحييها
واكرمها واسترها وعليها
دى عاشت عمرها لينا
لا يوم كلت ولا ملت ولا منت
دى عاشت بس واتمنت
نعيش ابرار حواليها
نعيش ابرار حواليها

بالله عليك يا شهيد

بالله عليك
يا شهيد
تقولى
امتى حسيت
بالوجع


من رصاصة
الغدر والا
من وشوش
عاشقة الخدع


فاكرة صاحبك
مانت طيب
زى ابوك
كنت فاكرة
يا واد اخوك


بس اللى
كانوا فى يوم
جابوة
مش هما برضة
اللى جابوك


الواد دة راضع
من حرام
الواد دة كل
سنين حياتة
عاشها قبلك
فى الحرام


اللى يقول فى
الحق موتك
راح
يكسب اية يا ض
من سكوتك


مكنش يعرفش
ان ابوك وامك


بيجهزوك
لجل الفرح


واختك جهاد
دايرة
بتعزم كل بيت


والنور مزين كل
ركن ف شقتك


الليلة كانت
يا بنى ليلة دخلتك


منصور عبد المقصود ·

ولسااااانى

ولسانى
بقول الحق
مش خايف
مع انى
اكيد عارف
كتير الحق
بيزعل
وانا صادق
ومش كداب
والفين باب
بنقفلهم
بقولة حق
يقولوا
صحبتى جامل
اقول ميت لأ
وداع
يا زحمة الاصحاب
انا مهاجر
مع نفسى
اكيد ليلة هلاقينى
هعيش صادق
مع نفسى
لعل
الصدق يحمبنى
من الدنيا
اللى ظلمانا
من القسوة
اللى وجعانا
من الصاحب
ومش صاحب
من الحب
اللى مش
م القلب
كفاية يا قلب
بكى ودموع
واوعاك يوم
تبات موجوع
من الدنيا
اللى كدابة
هعيش صادق
وانا عارف
بان الصدق
ما ينجى
لكن حقى
اموت انسان
على ارضى
ولا اعيش يوم
انا حاكم
على غابة
حاكمها الكذب
منصور عبد المقصود

غزاوى

غزاوى
______
وسامحونى
اذا لقيتونى
مش منكم
مع ان لونى
يشبهكم
لكن عمرى
ما اكون منكم
انا المنبوز
فى اوطانكم
وانا اللى
رفعت اعلامكم
على بيتى
وانااللى بموت
عشان بيتى
يدووم بيتى
لا عمرى فى يوم
بطاطى
لكلب صهيونى
ولا للى
فى عز الحاجة
نهرونى
وعايرونى
وقالوا عيش
وعيشنا
يا عم
كفاية تدوشنا
اية يعنى
يموت 200 عيل
وهو شعبنا قليل
مدام ماتوا
فدا الاوطان
كفاية يا عم
قوم طاطى
وصون ناسك
وقيدها
فى كراسك
يموت الاب
والابنة
تموت الام
والجدة
يموت الطفل
والطفلة
ومايبقى
غير النخوة
تعيشى عليها
يا غزة
منصور عبد المقصود

صباح الخير .... يا امى

صباح الخير
يا امى
صباح الخير
يا اجمل
نساء الكون
صباح الخير
يا اطهر
نساء الكون
صباح الخير
يا حلوة
اتى عيدك
فأهلا
خير اعيادى
اقبل
وجهك الباسم
تربت
يدك الحلوة
على كتفى
فيكمن
سر اسعادى
اضاحكى
فتخرج منك
بسمات
تنير الكون
يا امى
احدثكى بكلمات
فاسمع
صوتك الحانى
كتغريد العصافير
يزلزل كل
جنباتى
لكى منى
يا اجمل
من رأت عينى
تحياتى
منصور عبد المقصود

صباح الخير يا محروسة

صباح الخير
يا محروسة
صباحك فل
بينادى
على اولادك
على اولادى
نقوم الصبح
نتوكل على
الهادى
وندعيلك
يا محروسة
يزلزل كل
اعدائك
ولا يشوفوا
غير الأهرا
يا ست الكل
يا طاهرة
تكيدى
كل حسادك
ولا مرة
تكيدينا
نشوفك
فى السما
عالية
ووياكى تعلينا
امانة عليكى
يا طاهرة
ماتسمعى
يوم
لخوانك
ولا للى
يوطيكى
وما بين الامم
هانك
تهونى علية
ولا تهونى
على عيالك
فلا ليلة
مسح دمعة
ولا مرة
ينور
فى الطريق
شمعة
ولا يبكية
ما يوم
نالك
ما بين
الركعة
والسجدة
بندعيلك
تنور
كل قناديلك
ويصلح
كل احوالك
وفى الشدة
تنادينا
اكيد عارفة
انه بعنينا
نغطيكى
وبأدينا
مسحنا
الدمعة
فى عنيكى
اتاريكى
ياطاهرة
برضة
خنتينا
سرقتى
منا
احلامنا
ومات الولد
على بابك
وكان همة
يا طاهرة
ينصلح
حالك
ولسانا
بندعيلك
تنور
كل قناديلك
ويصلح
كل احوالك
قتلتينا
وقلتى
عنا
ما نسوى
كشفتى
البنت
والنسوة
ومات فى
ولادك
النخوة
ولسانا
بندعيلك
تنور
كل قناديلك
ويصلح
كل احوالك
ماانا
عاشقك
وعارفك قاتلة
عشاقك
صباح الخير
يا محروسة
صباحك فل
بينادى
على اولادك
على اولادى
منصور عبد المقصود