صدقينى

صدقينى

*******
صدقينى ولا تسوى دمعة


من عينيكى صدقينى

وارحمينى من الدمع خايف


خايف عليكى ارحمينى


دبلوا وكانو وردتين


فوق الشفايف


خايف على عينيكى


يا ست الكل خايف


مش هى دى العين


اللى كنت بحبها


ولا دى ابتسامة


غلبت اغنى لحسنها


يا ام العيون السود


يااحلى من القمر


يا ام الشفايف والخدود


يحلى بيها السهر


ايدى فى ايدك نمحى


قصة حب راح


ايدى فى ايدك


واية حناخد م الجراح


دالقمر لابد يرجع


مهما طال عمر الصباح


والعيون مهما بكت


ولا عمرها تعيد اللى راح


صدقينى ولا تسوى دمعة


من عينيكى صدقينى



منصور عبد المقصود

متفكريش

متفكريش
********
من غير هواكٍى

مأقدرش اعيش

الحب كلمة

الحب لحظة

الحب ليلة

متتنسيش

د انتٍ الحبيبة

كنتٍ الحبيبة

ومن النهاردة

خلاص مليش

فاكر ايام عشناها سوى

فاكر احلام رماها الهوى

يا ما سهرنا الليل

نحلم ببكرة جميل

بوردة فى جنينة

بشمعة فى ايدينا

بنجمة فى السما

بتضلل علينا

انتٍ اللى بعتٍى

ومصبرتيش

انتٍ اللى خنتٍى

ومحافظتيش

على قلب كان

منك وليكٍى

على قلب كان

خايف عليكٍى

وعيون حبيب

يا ما بكت

ودموع حزين

يا ما اشتكت

بعد اللى كان

جاية النهاردة

تقولى اعيش

بعد اللى راح

جاية تقوليلى

غيرك ماليش

حيرتنى اةة يا زمانى

صحيت جراحك لية تانى

بعد مصدقت نسيتة

ونسيت هواة ويوم حبيتة

جاى النهاردة تقوللى سماح

جاى النهاردة تداوى جراح

لآ يا زمان انا باسألك؟

تقدر يا زمان ترجع تانى

لياليك واحلى ايامى

اغانيك واغلى انغامى

لو كنت تقدر تشفى جراح

عمرى ما حرجع للى راح

منصور عبد المقصود

ليلة مصرية

ليلة مصرية

*****


فى ليلة باردة


والصحبة قاعدة


ساعة سمر فى العصر


واحد( وعد ا) علينا ( هد ا)


قال الكرامة


فزيت انا قلت الكرامة مصر


رجع ( وهد ا ) بعد ما ( عد ا


قال الشهامة صاحبى وقف


قال الشهامة يا ولد مصر


دأنا مصر بلدى يا بلدينا


فارس . وحارس . للعرب


فى كل عصر


عد ا الافندى ولبس لى بلدى


وقال اية ما يتنسيش


انا قلت لة مصر


دأنا ابويا مصرى


وألام مصرية


افرح يا قلبى واتكلم


بكل فخر


اية يسوى دمى


وروحى وقلمى


لولم يكونوا فداكى يا مصر


وفتحت راديون


ولقيت مزيعة بتقول


يا بن وطنى مصر


ارفع دماغك واسجد لربك


واركع ركعتين للنصر


دى طابا رجعت لينا تانى


حرة مصرية


من غير لا دم ولا سلاح


ولا حتى مرازية


بعقول شباب من بلادك


يا بلادى حبك فى قلبها غية


لو تطلبى دمهم يا بلادى


يصبح دمهم لجل


العيون الحلوة دى مية




منصور عبد المقصود

نحن امه عربية

نحن الشعوب العربية
**************
نحن الشعوب العربية
نحن من بعنا القضية
نجعل حاك...منا الها
ننتظر منة العطية
نغوص فى اوهامنا
نتوة من احلامنا
نهرب فى احزاننا
وتنسلخ منا الهوية
نحن الشعوب العربية
تونسى ارسل اشارة
قومى يا مصر الحضارة
واحملى بألحق راية
انزعى عنا الغشاوة
جددى فينا الحمية
قام اولاد الجثارة
غردوا فى كل حارة
ازهبوا عنا المرارة
عدنا نؤمن بألقضية
وقف اقصانا ينادى
تجمعوا من كل وادى
واقبلوا رغم الاعادى
صار للأمة قضية
نحن امة عربية
منصور عبد المقصود

مزكرات مصرية

مزكرات مصرية





مسكت قلمى وورقتى



قلت اكتب قصتى



واحكى التاريخ عن الحضاره



واروى الكلام من دمعتى



انا المصرى



و دى قناتى ونيلى ومعبدى



لآعرف مجاملة ولا انتهازى



اصل القناعة لقمتى



وفتحت اول صفحة من ورق الكتاب



لقيت بلادى متقسمة والناس اغراب



ناديت على ولدى مينا هو نارمر



وكان شباب



وقلت



انت اكبر ولد من نسلى يا مينا



فين الكرامة لو تنام وسط الكلاب



فز الولد رفع راية السلام



ضحكوا علية



وقالوا اية يطلع حمل



وسط الدياب



رجع الولد لبس كفنة على هدمتة



وجمع الشباب



ووحد كلمتى



ورجع بسمتى



وراحوا فين الدياب



صبحوا يا عينى



وسط الآسود



كلاب





وفتحت صفحة تانية من ورق الكتاب



لقيت جيوش وحوش



وسالت مين



قالو الهكسوس



قال اية



الارض دى حلوة وعجبانا



واهلها ناس غلبانة



حنزرع لهم



ونحصد لهم



ويعيشوا على الخير كدة ويانا



وحبست انا فى عينى الدموع



وانا شايفة فى الارض الجموع



دايره بتحرق فى الشجر



ويخربوا كل الربوع



وانا اللى فتحالهم ابوابى



ومفكراهم اصحابى



عشان ماهو انا اصلى كريم



ماخدعش ضيفى ولا جارى



مالك يا احمس



شايفاك حزين



والدمع لية



مالى الجبين



بتبكى على غدر الايام



ولا على جرح السنين



احلف باسمك يا بلادى



لآدفن فى ارضك اعداءى



وازرع سنابل فى الغيطان



وافدى حياتك باولادى



صادق يا احمس يا بن وطنى



ادى الهكسوس



وادى الوحوش



صبحوا يا عينى فى ليلة واحدة



جديان وجاموس





واد صفحة تانية من ورق الكتاب



شايفة فيها شاعر عظيم



ياما قالو علينا



شعب جهلة ومش عارفين



عايشين بلا حضارة



بلا اصالة



بلا دين



فز الولد اتون وقال



مين اللى نادى فى الشعوب



وفى كل الكون



وقال اتون



الكون دا لة رب خلقة



ولازم نصون



وبعدها نزلت رسل



وبعدها جات انبياء



عينى عليك يا اتون



بعد ما قالوا عليك مجنون



اصبحت انت الوحيد



العاقل فى زاك الكون





يوسف يابنى



تعالى انا شايفاك



باعوك بالبخس فى بلادك



وانا بالغالى شارياك



ماهو انت اصلك كريم



يا بن الكريم



يللى جد ابوك



هو الحبيب هو الخليل



جيتنى يا يوسف تعبان



جيتنى يا يوسف غلبان



بعد ما اخواتك خانوك



وفرقوا بينك وبين اخوك



ولقيتنى فتحالك دارى



واديتك خزاينى واموالى



يابن الكريم يللى



حكمت فى اموالى



بالخير والعدل



نفسى الزمان يرجع تانى



بالنور والاهل





وادى صفحة ياناس



مش عجبانى



هى اللى جلبت احزانى



كدة برضة يابنى يا فرعون



كدة برضة تطمع فى الكون



وتقول انك الة



وتازى موسى وهارون



انا عارفة انك كارة لليهود



ومسميهم الشعب النمرود



كفاية انك كنت



مشغلهم فى بلادك عبيد



لكن يا فرعون



تتحدى رب الكون



انا كنت باتمنى اشوفك



دلوقتى والمح طيفك



لجل ما تعرف اليهود



اي اصلهم



واية اصل الجدود



بيقولوا انهم



شعب اللة المختار



ونسيوا انهم



زرعوا ارضك ليل نهار



من غير لا اكل ولا مية



ولا حتى ايجار





والصفحة دى فيها الجفاف



حارق الارض



ومحرق كل الغيطان



وادى فارس



شايل ورقة فى ايدية



فى النيل رماها



والدهشة باينة فى عينية



سالتة لية يابنى بتعمل كدة



فى اية



بيقول ان الفاروق



امير المؤمنين



باعت رسالة



لنيل مصر الامين



بيقولة فيها



ارجوك يا نيل



ارفق بشعبك من جفافك



دانت الحياة للمصريين



واشهد



واشهد معايا يا زمان



من وقتها



عمرنا ما شكينا غير



من الفيضان





والصفحة دى



لازم نقف فيها انتباة



لفارس مسلم



عمر الزمان مجاب سواة



اسمة صلاح الدين



واوروبا كلها عارفاة



حرر بلادى من الغزاة



ومن مين



مش اى غزاة



داريتشارد قلب الاسد



احتار يا ولدان وياة



فاكرين كلنا حطين



يوم ما دفن الغزاة



فى الطين



وحرر حيفا ويافا وعكا



وحرر كمان بلدى فلسطين



بالدم لا بالدمع



انا بابكى عليك



يا صلاح الدين



ارجع وشوف



اليهود فى القدس اية عاملين



فى الخليل



يا صلاح الدين



فتحوا النيران على المصليين



ماكانوش واقفين



دول كانوا بين ايدين اللة



ساجدين



لا عرفنا ناخد حقنا



وكرامتنا بقت يا صلاح الدين



فى الطين





ومين دا اللى انا شايفاة



ومين دا كمان اللى معاة



انا قطز يا ارض العروبة



وبيبرس كمان وياية



سامعين ان التتاريين



حالفين يخلو لقصتنا نهاية



وانا باحلف باسمك



يا ام المصريين



لآخليها بداية



وعليهم نهاية



حرقوا بغداد والشام



وحرقوا كمان الجزيرة



بس يا ام المصريين



الشهادة على ارضك اية



وكفاية



ايدى فى ايدك يا بيبرس



نقضى على كل كابر



ايدى فى ايدك



وعلى الباغى



تدور الدواير



ودى ليلة يا ناس



انا ماوصفهاش



ليلة التتار



ماينسوهاش



ليلة ما شربنا بدال المية دمهم



ليلة مأتهد بأيد عيالى حلمهم



وهل يا سرب الحمام



وعلى ارضى



ارمى السلام



وانشر ورودك على



عرابى وكامل وسعد



وهات



تاج الرجولة



وحطة



على راس السادات



رجع كرامة كل مصرى



فى العبور



الشعب كان صايم



وقال جيش العدو لازم يغور



وكانت ضربة معلم



وعمرة ما كان مغرور



منصور عبد المقصود

لبنان!!!!!!2

لبنان2

لبنان اهواك فما بال الهوى


والدمع من عينى جرى



نحبا ّّّعليك يا لبنان



الحزن فى قلبى طغى



طعنوك طعنا عزيزتى



جعلوك شيبا بعد الصبا



سفكوا دماء عشيرتكى



ولازوا بأمتعتهم فرا



لن يعيدك الا ابناؤكى



ليس بألفرار ولكن بألكر



أولم تخلقى جيلا



يعد للغدار كيدا



الجانى فى ارضك امسى



ولاز ابناؤك هربا



ايها الوطن الزى زادت مصائبة



اولم تؤتى بعد زلك فرجا



لا يفدى البكاء على ما مر ولكن



لن يجوز على ما يؤتى



لو كان يفدى البكاء



لكنا نبكى فنخلق نهرا



تجمعوا اهل لبنان لا تفرقوا



واعتصموا بحبل من الرحمن اقوى



منصور عبد المقصود

لبنان !!!!

لبنان
****
لبنان يا دمية


لعبت بها الاوطان


جار الزمان عليك


وكنت ربة العرفان


يا بلاد السحر


يا امة الجمال


حرقوا جمالك بكلمة


ليس لها اصل ولا مكان


كنت شامخة مرفوعة الرأس


واصبحت كالتينة الحمقاء


منذ زمان


اعطيت الكثير


وآن وقتك لتأخذى


ما اخذتى الا


النكر والعصيان


كم بكيت من حسرة عليك


ولكن ماذا يفيد


واهلك فى بركان


لو عاد الجارم من قبرة


لمات من حسرة


على ما كان


كم كرهنا اخا قتل اخاة


فقلنا يا حسرة


لقد جن جنان


والأن وعن شعبا يقتل نفسة


ماذا نقول؟؟؟؟


لقد شل اللسان


افق شعب لبنان افق


فأليوم غير امسوغدا ليس بفان


لا تعش زليلا فى وطنك


وعش حرا مرفوع الرأس والوجدان


لا ترفع الايدى


ولا تلقى السلاح


واجعلة مصوبا نحو الطغيان


لا تنظر الى الامس بلوعة


فغدا اعظم


وكلة من صنع الرحمن


منصور عبد المقصود

ارجعى

ارجعى
ارجعى وما تبعديش
عاشق هواكى
ارجعى ومتحيريش
قلبى معاكى
انتى الامل
انتى المنى
انتى الربيع
وانتى الغنى
نظرة بعينك
راح تحيى قلبى
قلبى اللى طول
عمرة يواسيكى
لمسة ايديكى
هى الحنان
عمرة ما شفتة
الا فى ايديكى
كنا بنحلم بالأمان
انتى وانا
كنا بنهرب من الزمن
طول عمرنا
بس الزمن قاسى
ومين يقدر علية
لو كان يغيب عنا
يا ناس
كان يجرى اية
انا وانتى اللى كنا
عاشقين
كنا بنحلم بالأمان
بألحنين
كنا بنسهر ويه ليل
مليان نجوم
والقمر سهران معانا
والسما من غير غيوم
والطير بيرقص على
كل دقة فى قلبنا
والشجر بيتمايل
والزهور بتضحك لنا
اتغيرنا
ولية يا زمن تحيرنا
اتارى الغدر دا طبعك
ورب الكون يصبرنا
زرعنا الفرحة بأدينا
وغير الجرح ما نابنا
دعونا فى عز احزانهم
وفى الفرحة نسوا دارنا
ويا مين عالشوق
يواسينا
ويا مين عالشوق
يصبرنا

منصور عبدالمقصود

الذبيح

الذبيح
سبحان رب العزة
رب الخليل واحمدا
خلق الجبال رواسيا
وخلق الارض ممهدا
... ايا خليل الرحمن
قد مت وزكراك مخلدا
كنت ابا للانبياء
وصار محمدا سيدا
يافرح من قال الله اكبر
ويا عز من اكثرها مرددا
كبر الخليل وشاب
وعاش فى الدنيا امدا
لم يرزق الولدان
فما اغتم وما تيائسا
توجة الى الرحمن
متوسلا وممددا يدا
ومن يتقى الله
لا ترد لة يدا
حباة بأسماعيل
ولدا طيبا
ونبيا مسلما
حمل وليدة
وهاجر زوجة
الى بكة
فى الفلا
بكاهما وامدهما
بقليل الماء
والتمر وتأيبا
واستظل بصخرة
وبكى
واخز يناجى
مرددا
ربى زوجى ووليدى
فى الفلا
وانت رب العلا
احفظهما ربى
واجعل وليدى صالحا
وعرب جرهم جاءت
تتحرى الماء فى البدا
وجدوا الوليد وامة
وخرير الماء مزمزما
فتربى فيهم فأصبح
للعرب جدا
وللعروبة سيدا
من شب عربيا
فبألمكارم
والآخلاق تجملا
حلما ترأى
لأبراهيم فى الكرى
اذبح وليدك
للأله تقربا
مالى خيار يا الهى
اأرضى ام أرفضا
انة قضا الرحمن
ولا يرد لة القضا
ولدى
تهون عليا انفاسى
ولا تمس بشوكة
لكنة قضا الرحمن
فهل تردنى بعلة
رأيت انى ازبحك
ومالى الا بفعلة
ارضى بها الرحمن
فيمن عليا بتوبة
لك ما امرت
ابا اسماعيل
فعليك الفعل
وعليا الصبر الجميل
اترانى ارفض
امر الجليل
طالما انة امر ربى
فأعصب عينى
ودعك يا ابى
من الأقاويل
ثم كبر يا ابتاى
واستشهدا
واهوى بنصال السيف
دون ترددا
ولتكن حياتى فداء
لرضا الحبيب المتفردا
الله اكبر ترددها
ملائكة السماء
نزل الملاك يحمل بين
جناحية الفداء
رضا الله عنك ابراهيم
فدع عنك العناء
هذا الزبيح فدا ولدك
والله يرحم من يشاء

ومن نسل اسماعيل
جاء محمدا
يوما شهد بة التاريخ
فمجدا
يا اشرمى
اببيت الله تستسخرا
مالى اراك
عن هذا البيت متقهقرا
اتى امر الجليل
فأنا لك من مهربا

نورك رسول الله
لنار فارس اخمدا
وايوان كسرى
لم يحتملة تصدعا
والعزة للعروبة
رجعت مجددا

منصور عبد المقصود

ملتقى الشعراء

ملتقى الشعراء
***********

يا ملتقى الشعراء انت سميرنا

...

وانت صباحنا وانت مسانا



وانت اريج العطر فى اشعارنا



وانت النجمة العلياء تضيئ سمانا



نغوص فى بحور شعرك كلنا



ونصيد منها لألئ وتيجانا



يا ملتقى الشعراءانت ملازنا



وفيك الزهر والعطر والريحانا



فيك كتب الجميع قصائدا



ترياق حب وقبلة الحيرانا



ومنك انت تعلمنا الهوى



وصار لساننا ينطق اشعارا



كتبنا الشعر وقد علمتنا



ان المشاعر تهدم الاحجارا



منصور عبد المقصود

فى ظلمة الليل

فى ظلمة الليل
********
فى ظلمة الليل
جاءت تداعبنى
وقفت على بابى
... تنادينى
فأيقظت كل المشاعر
فى فؤادى
وسرت دماء الحب
فى شرايينى
من انت سيدتى؟
من انت ملهمتى؟
انا ما عشقت
قبل اليوم امرأة
غير التى كانت
بالليل تغطينى
من انت سيدتى ؟
اجيبينى
دعى الصمت
فان الصمت 
يقتلنى
دعى الحياء
فان الحياء
يكوينى
وجودى على
قلبى الذى
لم يعرف الحب
واهدنى الى 
ذاك السراط
اعيدى نشأتى
وتكوينى
فى ظلمة الليل
منصور عبد المقصود

استعمار

استعمار
كيف استبحت مدينتى
وقتلت كل الأصدقاء
ونزعت عنها طهارة
وزرعت فى الأرض البغاء
وقتلت طفلا لم يزل
يحبو بقارعة الفناء
ووصفت بكل حقارة
وطنى بأرض الاغبياء
كيف كان الدار دارى
ثم صار اليوم دارك
وحياتى ومماتى منحة
فيها قرارك
ازرع طول العام ارضى
لتنل منهاحصادك
اعتصر فى القلب الما
وتحتسى نخب انتصارك

منصور عبد المقصود

يا طيرى

يا طيرى
******
يا طير وفى السما طاير
امانة تعدى على دارى
احملك رسالة شوق 
لقلب بعيد ومش دارى
بشوقى الية وخوفى علية
وحيرتى وانشغال بالى
لو كان بايدى والله يا طيرى
لكنت اركب على جناحك
واسمعك غنى ومواويل
واكون فى البحر ملاحك
واةةة واةةة واةة يا طيرى
امانة عليك بالله يا طير
قولة يعود هنا جنبى
لقلب حبيب بيتمناة
فارش ورود ومستنى
باتمنى اعيش العمر معاة
وافرح بالهنا قلبى
واةةة واةةة واةةة يا طير
لو كان هناك هوى غيرى
دارى علية شوق السنين
دارى علية دمعى وحنينى
وارسملة بسمة ع الجبين
وامسح دموع ملت عينى
د الامل عندى يا طير
اشوف حبيبى متهنى
واعيش العمر انا فى الويل
ويعيش سعيد
وان كان يا طير بعيد عنى
يا طير وفى السما طاير
امانة تعدى على دارى

منصور عبد المقصود

تجرحونا

تجرحونا
*****
تجرحونا
وتشكوا وتقولوا انجرحنا
 تجرحونا
 وتبعونا وتبكوا وتقولوا
دا باعنا
 وتبعونا

شوفوا مين اللى اشترى
ومين اللى باع
شوفوا مين اللى بدا
 بكلمة وداع

يا حبيبى لسة فاكر
ولة نساك
 الزمان
قلب سهرتة فى عيونك
وهو يسقيك
 الحنان
قلب خنتة ولم يخونك
قلب من طبعة
 الامان

طالت الايام عليا
 لما زار طيفك خيالى
بدل الفرحة اسية
قولى لية تهجر يا غالى

مش عيونك دى اللى كانت
 تبكى لو عنك اغيب
وبشفايفك كنت بتنادى عليا
 تقوللى اهلا بالحبيب
قلبى طاب خلصت اهاتة
بعد ما نسيك من حياتة
وابتدى يبقى لة بكرة
احلى دايما م اللى فاتة
احلى دايما م اللى فاتة
منصور عبد المقصود

راجعين

راجعين

*****

خلاص يا هوى
...
راجعين يا هوى

راجعين من بعد غياب

وياك يا هوى

لقينا الدوى

واتجمعوا الاحباب

بعت لك حبيبى

رسالة عن لهيبى

عن قلب لسة شباب

بأتمنى يا حبيبى

يكون حبك نصيبى

وانسى معاك العزاب

بأسأل عنك حبيبى

صاحبى وجارى وقاريبى

مالقتش عندة جواب

وتفوت ايام ورا ايام

والقلب صاحى وماينام

وجاتنى الرسالة

وقريت القوالة

وطرت فوق السحاب

الله عالفرحة بين قلبين

يتقابلو من بعد غياب

يا ليل يا ابو الليالى

محلا العيون السود

سهران وياك وراضى

وراضى بألموعود

قاسمتنى فى الفرحة

والدمعة عالخدود

امانة يا ليل تغيب عنى

دألسهر مالهوش وجود

وقول للصبح ييجى بدرى

د لسة حبنا مولود

منصور عبد المقصود

ارض الكنانة

ارض الكنانة
*******
ارض الكنانة
يد الله ترعاك
فللعروبة وللسلام
مسعاك
لا تخشى نبال
الحاقدين طالما
على الايمان
رب العزة رباك
فأبناؤك
فى السلام حمامة
وفى النضال نفنى
ويبقى ثراك
مصر العظيمة
ستبقى عظيمة
رغم النباح
وعوى الذئاب
سنرفع راية
الحق المبينة
لتعلو وتعلو
فوق السحاب
لننسى اليوم
وننسى ماضينا
ونعمل يا مصر
لأجل الشباب

منصور عبد المقصود

عاشق

عاشق

******


يللى عشقت الليل



والنور يناديلك



عشق الليالى طويل



نور قناديلك



غنى فى عشق الهوى



واكتب مواويلك



د الجرح ساكن فى القلوب



ودمعة فى مناديلك



يللى عشقت الليل



نور قناديلك



منصور عبد المقصود

روضة العاشقين

روضة العاشقين

***********
هو
لا تغلقى باب المحبة
اننى لم اغلق الابواب
سقيتك كأس حلا وطاب
فلا تسقنى كأس العذاب
علت اطراف رأسى المشيب
وما زلت اخطو بسن الشباب
كتبت اليكى بوصف المشاعر
اظنكى قد مزقتى الكتاب
فيا من سلبتى القلب هواه
لما لم تنعمى برد الخطاب
اراكى ازا ما رأيت النجوم
وأحزن ان ينخفض السحاب
وتأتى النجوم قليلا وتمضى
واحسبها لن تعاود اياب
فكم من طريق صار نديم
وكم من علقم بات شراب
هى
وشيت بألقول من فتحة
فأغلقت دون المحبة باب
ولوخيرونى بين الحياة
او الموت دون هوى قد يزاب
فما اهون ما تكون الحياة
بدون حبيب لز وطاب
وشيبة رأس الرجال وقارا
وشيبة قلب الفتاة وبال
وجدت النجوم لتأنس بها
وفاضت عليا الليالى عذاب
فما ايسر ما ينسى الحبيب
وما اسرع ان يغير باب
مكتوب هواك على كل درب
تتوة الدروب ويبقى هواك
فلله حمدا اذا ما التقينا
ولله حمدا اذا غير زاك

منصور عبد المقصود

سهران

سهران
****
ياقمر الليل سهرنا
يا قمر الشوق حيرنا
يا نجوم الليل غنيلنا
ياليالى الحب ضمينا

يا ناس فى الحب فكرنا
والحب هو اللى نسينا
يا شوق بألحب كان مالنا
ياريتنا بقينا على حالنا
بألحب بدينا خطوتنا
وألاةةة نهينا مشوارنا
يا نسيم ألاةةة بترحمنا
من كلمة شوق على بالنا
مأعرفش اية اللى جرالنا
ماكان البعد على بالنا
اخدنا الشوق وبعدنا
وضاعت كل احلامنا
يا ريت الشوق ما كان خدنا
يا ريت الحب ما عرفنا

امانة يا دنيا الهوى
ما تداوى القلب اللى انكوى
امانة مايوم تواسينا
وسيبينا نعيش امانينا
امانة مايوم تداوينا
وسيبى الجرح دا فيينا
دالحب عمرة ما هنانا
والجرح ساكن جوانا
والدمع باين فى عنينا
والهجر داير حوالينا

ماشيين ومش عارفين
الحب طريقة منين
سألنا كل البشر
والموج والريح ومش لاقيين
نتمنى لحظة فرح
مانلاقى غير لايمين
عايشين على الاخلاص
بنقول يا حب خلاص
نسينا كل الندم
وعلى الامل عاشين

منصور عبد المقصود

يا ليل يا ابو الغلابة

ياليل يا ابو الغلابه
**********
يا ليل يا ابو الغلابة
دنيا دى والا غابة
لا الصاحب فيها صاحب
والناس صبحت ديابة
صاحبى اللى كان معايا
فى شبابى وفى صبايا
باعنى وبكام يا ناس
باعنى ومن غير تمن
لية باعنى رخيص يا ناس
اةةة منك يا زمن
كنا واحنا صغار
مع بعض ليل نهار
وان قال الاةةة ياعينى
تكوينى الاةةةةة بنار
وكبرنا يا ايام
وعرفنا يا ايام
معنى الحب الحقيقى
والصاحب يسوى كام
لما مديت ايديا
باعد عنى عينية
زرع الجرح اللى فيا
زرعة والله بأيدية

منصور عبد المقصود

لية

لية
****
لية بأيدك تجرحينى
لية بأيدك تحرمينى
يللى شمسك هى نورى
يللى قمرك هو ضلى
لية بكلمة مالها معنى
تجرحى قلبى الحبيب
لية تهدى كل معنى
وحبنا ساكن قريب
لية بتنسى كل كلمة
لية تهدى كل معنى
مدى ايدك امسحى
دمعة عيونى
فوق جفونى الدمع سايل 
من ظنونى
فرحينى بكلمةحلوة
يللى حبك احلى غنوة
كل ايامى سهارة
كل افكارى حيارة
اشهد يا ليل على حب غاب
اشهد يا حب على قلب داب
قوم يا قلبى كفاية عاب
قوم ودق على كل باب
واحكى حكاية حب كان
واتنسى وية الزمان
لية يا حبيبى غيابك طال
لية يا حبيبى كفاية مرار
دا بعد الفجربييجى النور
وبعد الليل بييجى نهار
يللى كل الناس عارفاك
يللى قلبى نسيتة معاك
يللى روحى ملك ايديك
يللى قلبى وعمرى فداك
حبك اقوى من الايام
حبك احلى واغلى غرام
حبك خلا ليلى نهار
وخلا فكرى كمان احتار
تشهد علينا نجوم الليل
والقمر بينها ساكن امير
حبنا ما شافة اتنين
واسألوا شمس النهار

منصور عبدالمقصود

عبد الرحمن

عبد الرحمن
********

عبد الرحمن لا تحزن

فكل شئ فى الحياة الى زوال

وطب نفسا اذا جاء اليقين

وقل سبحان من بدل حال بحال

غدا تأتيك منيتى

فكن صلدا على الاهوال

واعلم انى سألت الله مسالتين

قلت اللهم اعطنى ولدا ومال

فكنت انت احبهم عندى

وان الدنيا لا تساوى فيك عقال

منصور عبد المقصود

احلام

احلام


احلام يا دنيا اعيش فيها

واطيب حالاتى حين الاقيها

اخلع عباءة اعيائى لو اقبلها

وكأنى ملكت الدينا حين اماشيها

احلام تلك ابنتى وانا ابيها

منصور عبد المقصود

الف ليلة

الف ليلة
يللى حبك جوة
قلبى بيبتسم
يللى شوقك
فوق عيونى بيترسم
يلى حبك شمعة
بتنور ضلام ليلى
يلا بينا شبكى
ايديك فى ايدى
اندهينى. فرحينى
جوه احضانك ضمينى
*ومتخافيش. لوبعدنا
حبنا يقرب طريقنا
لو سهرنا الشوق
يكون دايما تالتنا
لو نتوة النجمة دى
تنور حياتنا
يا حبيبتى يلة ننسى
كل يوم من العمر فاتنا
يا حبيبتى السعادة
خلاص عرفت وجودنا
يلا بينا امسحى
الدمعة الحزينة
يلا بينا ارسمى
البسمة الجميلة
يلا نمشى فى
طريق مالة نهاية
وان قابلنا اى عاشق
نبقى نحكيلة الحكاية
حكاية حب جميلة
عشناها فى الف ليلة

منصور عبد المقصود

من فوق عيون الشمس

من فوق عيون الشمس

*************
من فوق عيون الشمس
وسط  الكلام  والهمس
بندة   عليك    اسمعنى
يللى    سامع      ندايا
ارحم  عيونى ودمعى
رجعلى  سنين   هنايا
عاشقك يا اغلى الناس
عاشقك   يا    قمراية
عاشقك طريق وناس
وضلة   فى    سمايا
عاشق   وبحلم   بيك
وفى عز ليلى اناديك
تهجرنى برضة شاريك
يللى   البعاد   اساك
وان   فراقى   عليك
هعيش   العمر   ليك
احلم   بضى   عينيك
احلم   بيوم     القاك
يا    ليل    العاشقين
حيارة     وسهرانين
بندور  على   الحنان
منلاقى   غير   انين
حبايبنا   فاتونا 
 يا ليل
سافروا ما ودعونا
 يا ليل
لدموع عنينا سابونا
يا عينى
وحتى ما افتكرونا
ويا ناس لا لا تلومونا
والله   باين   باعونا
حبيبى  يللى  غايب
يا  فايت  قلبى  دايب
يا ساقينى كاس العذاب
وقلبك   مالة     نايب
بأدعى   عليك   تجينى
واشوف  دمعك   بعينى
وأشوف فى عينيك عذاب
يا محيرنى وكاوينى
لا لا يا قلبى لا
دا مهما كان حبيبك
مسيرة يرجع فى يوم
يشبك ايدية فى ايدك
من فوق عون الشمس

منصور عبد المقصود

فى كل يوم التقيك

فى كل يوم التقيك


***********
فى كل يوم التقيك


انشد الانسان فيك



انا يا مقلة عينى


أأبى ان اكون صديق


انا الزى حكم الهوى


فأوقد فى القلب حريق


لا تأسى على قلب احب


صار فى هواك غريق


وأرحم اذا حكم الهوى


لا تقل انى صديق

منصور عبد المقصود

موال ..العاشقين

موال العاشقين

***********
اعشق ليالى الهوى
والحب والاحلام
زيك ما شفتش انا
غير وردة فى البستان
نسيمها يرد الروح
والقلب صار مجروح
قلت اوصفوا لى الدوا
يا اهل الهوى
قالوا الهوى نار
للحب والاشواق
يبكى عليك الزمن
يللى من الهوى مجروح
دا لكل جرح دوى
وجرح الهوى مايروح
عينى عليك يا ولد
يللى نسوك الاحباب
سقوك من نار الهوى
وقالوا الهوى غلاب
لية يحرموك من الهوى
وقلبك فاتح الابواب
تمد ايدك يردوها
و يقولوا الهوى غلاب
نصيحة انسى الهوى
د البكى ما يفيد
واية راح يفيد البكى
وحبيبك انتى بعيد

منصور عبد المقصود

القدس.......سأعود

القدس سأعود

**********

لبنان عربية

جولان عربية

والقدس تعدو

فى لهيب الصمت منسية

كل البلاد تحررت الا انا

كل البلاد تعاهدت

قتلى انا

ذهب الرجال فلا ارى

غير القرود

اين الفتى ؟ قد قال انى

سأعود

******

سأعود

سأعود يا ارض

الحضارة والجدود

سأعود حتى لو طغى

صوت البارود

لأزرع فى اراضيكى

السنابل والورود

واطرد من بواديكى

دنس اليهود

سأعود

******

سأعود لأحمل فوق ظهرى

وزر ماض راح

سأعود بعد ما ولى

عصر النواح

لأجعل لغة الكلام

هى السلاح

وأقضى على كل

كابر سفاح

سأعود

سأعود لأمسح من

عيونك دمعة

وأقبل ارض زبت

فيها لوعة

مسرى النبى

انا لن ابيعك سلعة

مسرى النبى

اقسمت بأسمك ان اعود

سأعود

يا طيور القدس عودى

واحملى روح الشهيد

اننى قادم اليكى

احمل العزم التليد

وأحرقى يا قدس رايات السلام

فلن تعود

قاتلى يهوى السلاح

وما احترم يوما عهود

قاتلى ادنى الخلائق

قاتلى ادنى القرود
سأعود


منصور عبد المقصود

دم ..الشهيد

دم الشهيد
********
دم الشهيد

اللى اتسرق
ليلة يناير
واللى خلا

 الشعب حاير
مقتول وليدى

لجل ما
يحيى الوطن
وأدى الوطن
مستكترين

فية الكفن
دمك بيغلى

فى عروقى
طب لية تموت
وميموتش لية

برضة الوطن
وانا اشتريلك

الف ميت
مليون وطن
دم الشهيد

 لوكان رخيص
طب يبقى لية

 معنى الوطن
دم الشهيد لو

 كان رخيص
طب يبقى لية 

لازمة الوطن
هو اية 
معنى الوطن....؟؟؟؟
الوطن دة اللى 
بروحى افتدية
واللى فى حضنة 

يضمنى
الوطن ببكى علية 
مش لجل انة 
يزلنى
الوطن امى وناسى
الوطن
ما يحنى راسى
الوطن
ما يبعش ثائر
لجل
ما يحمى كراسى
الوطن دنيا ودين
فى وطن
اديلة عمرى ؟؟
وهو يقلع لى عينين
يا وطن 
اشكيك لمين
كل اللى ميت 
لجل خاطرك
مأعرفش ليه
ميت حزين
كل اللى ميت
لجل خاطرك
موصوم بعار
ناس تقول
ميت شهيد
وناس تقول لأ
انتحار
ناس يقولوا لأ
دة راجل 
وفداك بدمة
وناس يقولوا
بلطجى
متشلش همة
 ميت وفايت لك
عياله
فى حضن امه
يا وطن
طبطب عليهم
يا وطن 
قوم بوس ايديهم
يا وطن 
كن اب ليهم
يا وطن 
امسح دموع
مالية عينيهم
دول اللى وهبوك
الكرامة
هما دول 
رمز الشهامة
ولا هترميهم
فى شارع
مش كفاية 
الظلم خلا
يا وطن
نصف شعبك
اولاد شوارع
...............
منصور عبدالمقصود

وطن

وطن
****
عينى عليك يا وطن
لما باعوك ناسك
وآل يجرحوك يا وطن
ويحطوا فوق راسك
كل اللى خانك يا وطن
شايلة فى نن العين
واللى حماك يا وطن
ملقاش الا مداسك
....................

وأن كان لسانى طول
حقك على راسى
انا اللى بنحت فى الصخور
لأجل ان اصون ناسى
تضغط عليا يا وطن
متصونش احساسى
ولحد امتى يا وطن
تفضل وطن قاسى
...................

انا اللى حافظك وصاينك
وانت ما تعرفشى
ما هى دى اهانة يا وطن
انك ما تدركشى
حقك عليا يا وطن
منى ما تزعلشى
د ان كان يجيك الخطر
احطك فى نن العين
ولو يزيد الخطر
اقفل عليك رمشى

منصور عبدالمقصود

المكر

المكر

يا من تباهى بمكرة
لا تنسى خير الماكرين
تعيش الدهر بزهوة
وتنسى حياة الزاهدين
بعمرى انك هالك
ولو جمعت المال سنين
فتزكر يوما لا خليل لك
الا التراب خليلا
وقد جاءك الملكان
من لدن عظيم جليل
وسألاك عن الاهك
ودين ارسل اليك ورسول
فما كان من لسانك جوابا
الا البكاء والعويل
اخى كم عالم
اخز بعلمة
واحكامة زمن طويل
لا يستطيع اجابة
قدكان اماما للمنافقين
وكم من جاهل لا يخط بيدة
قد حباة اللة فصاحة ويقينا
قد كان فى الدنيا اماما
للحامدين الشاكرين الصابرين
هى القناعة فأعمل بها
تنال جزاء الصالحين
تشرب من حوض محمد
وترى وجة العلى الجليل


منصور عبد المقصود

العصفور الازرق

العصفور الازرق
............

عزيزى العصفور الازرق
هل يمكن ان تمسى صديقا
ابوح الية بأسرارى
هل يمكن ان تبقى رفيقا
تجوب معى فى اسفارى
عصفورى الازرق علمنى
كيف توزعت الارزاق
هل تغضب يوما عصفورى
لوسبقك عصفورا اخر
او فاز عليك بسباق
هل يمكن عصفورى الازرق
ان اصبح انسان اخر
ان انسى معانى الاخلاق
ان اهجر كل معانى الصدق
الا اتكلم غير نفاق
ان ازرف دمعا للمقتول
واحمل قاتلة على الاعناق
عصفورى الازرق اخبرنى
هل يمكن ان ابقى ضدان
ان ابدو ملاكا وشيطان
ابدو صنديدا وجبان
ان اعمل صبحى قبطانا
والليل اكون القرصان
عصفورى هل ابدو حزينا
ام ابدو بائس غضبان
انا احلم ان ابقى طليقا
اهرب من قفص السجان
فأنا مسجون فى نفسى
من دون جدار وقضبان
مسجون داخل افكارى
تقتلنى هواجس شيطان
عصفورى الازرق لو انك
تقرضنى جناحك فأطير
ابحث عن ارض اعرفها
النور اجل معالمها
الصدق احب معانيها
يسكنها الطير بلا انسان
وحدائق اشبة بألبستان
اخوك الانسان الاكبر
................
عزيزى الانسان الاكبر
ترنو الى سمعى معانيك
والصبر اجل مراسيك
فأصبر وتسامى بألنسيان
فأنا مطرزدا من البستان
اخوك العصفور الازرق


منصور عبد المقصود

يا بياعين الوطن

يا بياعين الوطن
********
يا بياعين الوطن
صبح الوطن سلعة
كل اللى يسوى
وما يسوى
خلا الوطن ولعة
والكل يطلع يتاجر
والكل يطلع يقول
انا الحاكم بأمرة
وانا الوحيد مسؤول
وانا اللى عاشقك
يا وطن
واسمعنى لما اقول
شعبك مهواش حجارة
ولا شعب غير مسؤول
كفكف دموعك يا وطن
ومتسبش ولا دمعة
والله اللى بكاك يا وطن
ما يساوى فيك دمعة

منصور عبد المقصود

اميرة

اميرة


*****


وقفت اميرة


فوق جبين التل



شافها اللئيم انبهر


وقع اللئيم وأختل


ضحكت أميرة قوى


وصوتها كان مسموع


حزن اللئيم وأنزعج


ولسيفة راح مستل


طلعت اميرة وطن


وصبح اللئيم محتل


*****


وقف اللئيم يخطب


بكلام جميل موزون


قاعد يسقف لة


عاقل عامل مجنون


اسم اللئيم موسى


بس اللقب فرعون


سرق منا اميرة


وباعت لميت مأزون


ومين يلحق اميرة


غير اللى قلبة حنون


*****


اميرة دمعتها


تجرى على الخدين


عاوزين لها فارس


يشبة صلاح الدين


يرسم لها بسمة


ويشد ع اليدين


خلصت اميرة يا ناس


يا مين يحررها


يللى تبيعوا اميرة


اللى يساويها مين


منصور عبد المقصود

صباح الفل يا بلدى

صباح الفل يا بلدى
************
صباح الفل يا بلدى

صباح الفل يا بلدى

صباح المسك والعنبر

صباحك كل يوم نادى

صباحك شئ ما يتقدر

نعيش فيكى امانينا

ونكبر والأمل فينا

ولو مرة نسيتينا

القلب عمرة ما يتغير

صباح الفل يا بلدى

صباح المسك والعنبر

ننام ونقوم على عشقك

وفى الضلمة نشوف وشك

يا حضن كبير مدفينا

صباح الفل يا بلدى

صباح المسك والعنبر

عيالك فرقتين يا آمة

فريق واقف بيبنيكى

وفريق بيهد فى الضلمة

ومين لينا يبصرنا

اذا طال الطريق بينا

صباح الفل يا بلدى

صباح المسك والعنبر

منصور عبد المقصود

انا العاشق

انا العاشق

 *******
  أنا    العاشق    تراب      ارضك

 وانا اللى اموت  واصون    عرضك

واعيش    عمرى   اسير       ودك

وبشرب        سلسبيل         نيلك

انا   الموال     فى        غنا ويكى

وانا   اللى  حعيش  واموت   فيكى

تهون          نفسى        وافديكى

يا   لحم   كتافى       من    خيرك

انا       الحاسس         بأحساسك

ودمى       يسيل    فدا      ناسك

ولو     تأسى    ابوس       راسك

وأغنى      لمين     انا      غيرك

شايف     فى    عنيكى      دمعاية

شيليها     وعيشى    فى    حمايا

يا      اجمل    كلمة    فى   غناية

يا     مصر     المولى      راعيكى

منصور عبد المقصود