مصريات
*****
يا مصر منصورة
ولا تخافى
حالف لأشيل قومتك
على كتافى
لاشئ هيمنعنى
ولا شئ يرجعنى
طول عمرك انت وبس
غطايا ولحافى
********
كل الشموع يا مصر
قيدالك
عمرى ما يوم هبكى
على حالك
احلف يمين الله
سواد ابوة حالك
اللى يبيع ارضك
او ذرة فى رمالك
*********
يا مصر عيشى
وارفعى راسك
يللى التاريخ عنوان
فى كراسك
انت الاميرة يا مصر
واحنا اللى حراسك
مهما اللئيم يعلا
ما يطول الا مداسك
********
يا مصر غار البشر
لما رأى العنوان
مصر اللى مختارة
لمهبط الاديان
ماكنش دا بأيدنا
الامر للرحمن
هو اللى كرمها
وزينها بألقرآن
********
منصور عبد المقصود
ليست هناك تعليقات:
إرسال تعليق