واتعلمت الغنى
على ايدين الرجال
وبقيت انا مش انا
وساعتها البخت مال
وبغنى للحرامى
وبقول عليه شريف
وبغنى للحسالة
وبقول عليه نظيف
واللى بيدفعلى ابوسه
ولو يمنع عنى ادوسه
وبقيت صاحب مبادئ
وهفتح مدرسة
وهلعن ابو الدكاترة
وكمان الهندسة
مدرستى حلوة خالص
مش عاوزة علام كتير
اول مبادئها انك
تكون كذاب كبير
يا صاحب المبادئ
ابعد عنى لأنشك
يللى عندك اخلاق
اوعى تورينى وشك
محتاج الاقى ناظر
وياريت كمان مدير
مش فارقة ايه علامه
ولا غنى او فقير
اهم حاجة انه
فى خصام ويا الضمير
افتكاسة ... منصور عبد المقصود
ليست هناك تعليقات:
إرسال تعليق