إهداء

اهداء
متيجى نقول كلام
يمكن
كلامنا يكون فى يوم
ممكن
فممكن منه نتألم
وممكن برضه نتعلم
ويمكن كل شيئ جايز
فجايز إننا نحلم
وجايز حلمنا مرة
نقوم نلقاه بيتحقق
متيجى حبيبى يوم نحلم
مدام الحلم مش ممنوع
ولو ممنوع
تعالى نِدَارى احلامنا
وندّارى فى ضى الليل
تعالى نكلم المواويل
فتهدينا بكام موال
تعالى ودارى احزانك
انا اللى العمر علشانك
بعيشهولك
وانا اللى غزلت توب الفرح
على نولك
فليه يا حبيبى تمنعنى
اكون جنبك
فليه وانت اللى علمنى
الهوى حبك
بتنسانى
وانا اللى حلفت
يوم ما انساك
وانا اللى لقيت
حياتى معاك
ده لوتطلب حبيبى النور
اقيدلك من صوابعى الشمع
ولما تبات فى يوم مهموم
ميخلص من عيونى الدمع
انا اللى عشقته فيك إنسان
فكون يا حبيبى إنسانى
وإوعى فى يوم لتنسانى
فتهرب منى احلامى
يا اجمل حلم
شفته حقيقة قدامى
منصور عبد المقصود