بفى قلبك براح
يساع الامانى يساع البشر
ومش منتظر
تنول الاغانى ويعلى الهتاف
وصورتك تنور فى وسط الغلاف
كأنك بشر
ميعرفش يخدع ولا يوم يخون
ولا يوم يداهن
كأنك شجر
وطارح ثمار
بتشرب جزوره من السلسبيل
كأنك نخيل
وطارح شفا
كأنك حضارة وليك الف عام
تعيش ع الدوام
مرافق تاريخك تاريخ النضال
كأنك قمر
وحارسك نجوم
تدور فى المدار
بتهدى اللى عاشق
ساعات السهر
كأنك مطر
بتغسل بنفسك
ذنوب البشر
وتشفى العليل وجرحه الكبير
كأنك ملاك
ما تعرف ذنوب
ونفسك فى توبة
تساع البشر
ليست هناك تعليقات:
إرسال تعليق