ضحكة طفل ف ليلة عيد
لما ابوه يبوسه على خده
ويطبطب بأديه على ضهره
ويمسح له بأديه الدمعه
اللى ما فارقت ابدا وشه
من يوم فارق ضمة امه
الدنيا ف نظرى متسواش
دمعة أم مخبياها
كل مناها يخف ضناها
والمولى يسمع لدعاها
وصلاتها ليل ويا نهار
خد من عمرى بس اديله
ولا اشوف ابدا دمعه ف عينه
الدنيا ف نظرى متسواش
ضحكه جميله لطفله بريئه
عاشت تحلم ان ابوها الغايب يرجع
يلاعبها وتنام على كتفه
فيشيلها ويحضنها ف صدره
وتحس ان الدنيا بتضحك
فتنام والبسمه على خدودها
الدنيا ف نظرى متسواش
ليست هناك تعليقات:
إرسال تعليق