الموت حلال

يا مروحة بيت الحبيب
كام الف واد مدفون هنا
تحت الركام
كل اللى متوضى اتهرس
عايشين حياة احلاها موت
مينجيناش غير السكوت
الموت حلال
فى شرع مين
يا مجرمين
صوت الادان
مليون جبان
ميزههوش موت العيال
وتهزه دمعة فوق جبين المصلحة
متنطوحة كل الجتت
كل الضلوع متلخبطة
يا قبر ليه حيران كدة
ده جسم مين
محمود وحنا وبنيامين
مش برضه كانوا من تراب
البحر غرقان فى السراب
وكل السفن رافضة تكون طوق النجاة
يللى وهبت الكون حياة
وخلقت فيه أشباه بشر
دمع الحجر ماشى مع صوت النحيب
مسموع لكل الطيبين
والمخلصين صبحوا اسامى ع الحجر