امانة يا فارده للاغراب
دراعاتك
وحضناهم ونايمين ع
الكتاف منك
هنا ابنك
بيتألم ماليه الحزن
وليدك بس نفسه حضن
يا خايفة للكلام يكتر
ده حتة حضن مش اكتر
يداوى كل أحزانه
يا جارحه قلبنا الغاوى
يغنيلك
غنانا الليلة بات مشروخ
ومتخبى فى صوت الهم
يعيش العمر لا يهمه
رغيف العيش ولا اللقمه
وحالف انها البسمه
على جبين الوطن دى اهم
فدارى الدمعه من عينك
يا حبى الغالى عاوزينك
وقابلينك
ومش هنقول على عيبك
على عيبنا
يا اجمل ما الهوى النادى
صباحك والله مش عادى
صباح عينك
صباح دينك
صباح تاريخ
مزين كل ميادينك
يا حته من السما الصافيه
بكينا والدموع طلقه
بنرميها فى وش الغم
ونتبسم فى عز الهم
نتفرق
ونتخانق
ونتجمع
مع اول دموع ليكى
عشان نمسحها بالمنديل
نشوف وشك كما القنديل
منور جوه قلب الطفل
فيحبك
ويكتب لك
حروف اسمك
بلون الدم
منصور عبد المقصود
ليست هناك تعليقات:
إرسال تعليق